کابل باختر دسلواغې ١٠ نيټه :
د هېواد د بهرنيو چارو وزير صلاح الدين رباني نن د ناروې د شاهي هېواد د دفاع له وزير فرانګ بک جنسن سره وکتل.
د بهرنيو چارو وزارت مطبوعاتي دفتر باخترآژانس ته خبر ورکړ.
په دې کتنه کې نن د هېواد د بهرنيو چارو وزير د افغانستان د بيارغاونې او د امنيت دتامينولو او په تېره بيا د ناټو د غوڅ ملاتړ د ماموريت په چوکاټ کې د ناروې د ځواکونو د شمېر د زياتوالي له امله مننه او قدر داني وکړه .
وروسته د ناروي د دفاع وزير په افغانستان کې د وروستيو وحشيانه بريدونو له امله خواشيني او ډاډګيرنه څرګنده کړه او له تروريستانو سره يې د مبارزې په لاره کې د افغانستان د ملي دفاعي او امنيتي ځواکونو سرښِندنې او برياليتوبونه وستايل . پاى ج ذ
