کابل، ۲۰ قوس، باختر
تورکيه نینگ کابلده‌گی ایلچیسی بیلن اوچره‌شووده مهاجرلر ایشلری بوییچه سرپرست وزیری: «افغان مهاجرلری نینگ تورکيه‌ده قانونی یشه شی اوستیده ایشلش کیره‌ک.
مهاجرلر و قَیتگنلر ایشلری وزیرلیگی مطبوعات خدمتی بوگون بو خبرنی اعلان قیلدی: مهاجرلر ایشلری وزیرلیگی نینگ وزیری الحاج خلیل الرحمان حقّانی کابلده استقامت قیلووچی تورکيه ایلچیسی جنگ اونال بیلن اوچره‌شدی و تورکيه‌ده‌گی افغان مهاجرلری نینگ معمالری یوزه‌سیدن، افغان محبوسلرینی اوز قماقخانه‌لریدن آزاد قیلیش، مملکت و باشقه موضوعلر بحث قیلیندی.
جنگ اونال: تورکيه نینگ افغانستان بیلن یخشی و چوقور علاقه‌لری بار، بو دولتده افغان دیپلوماتلری نینگ موجودلیگی و هر ایکّی تامان نینگ تشریفلری تورکيه نینگ افغانستانگه نسبتاً یخشی نیتلرینی کورسه‌ته‌دی.
تورکيه‌ده‌گی افغان مهاجرلریگه نسبتاً پولیس نینگ خلق – اطوارینی یخشیله‌گنیم حقیده‌گی خبرلر، اگر بیرار جایده شکایت بولسه، چاره کوریلیشینی قوشیمچه قیلدی.
مهاجرلر ایشلری وزیرلیگی نینگ سرپرست وزیری: افغانستان و تورکيه اسلامی دولتلر و مهاجرلرگه اسلام قاعده‌لری و تالیماتلری اساسیده مناسبتده بولیش کیره‌ک، تورکيه‌ده ناقانونی یشه یاتگن افغان مهاجرلری نینگ قانونی یشهش جایلری اوستیده ایش آلیب باریش ضرور، دیدی.
تامانلر اوچره‌شوولرنی دوام ایتتیریش و کیلگوسیده هم‌جهتلیک اوچون زمینه یره‌تیشگه اورغو بیریشدی.
