کابل، ۲۷ قوس، باختر
جاپان – افغانستانگه ساغلیقنی سقلش ساحه‌سیگه ایتتی میلیون دالرگه یقین مبلغ اجره‌تدی، بو یاردم جهان ساغلیقنی سقلش تشکیلاتی آرقه‌لی ایشله‌تیله‌دی.
جهان ساغلیقنی سقلش تشکیلاتی بیاناتیده: جاپان – افغانستانده‌گی یوقوملی کسللیکلرگه قرشی کوره‌شیش صلاحیتینی کوچه‌یتیریش اوچون اوشبو تشکیلاتگه ۶.۹ میلیون دالر اجره‌تدی. بو مبلغ جهان ساغلیقنی سقلش تشکیلاتیگه جاپان خلق‌ارا همکارلیک آژانسی ( جایکا) تاپشیرگن.
اعلانده تأکیدلنیشیچه، اوشبو یاردمدن کوزلنگن مقصد یوقوملی کسللیکلرگه چه‌لینگن بیمارلرگه صفتلی طبی خدمت کورسه‌تیش، کسللیکلرگه انیق تشخیس قوییش همده افغانستان – جاپان کسلخانه‌سی و کابلده‌گی یوقوملی کسللیکلر شفاخانه‌سی نینگ تولیق قوّت بیلن ایشلشینی تأمینلشدیر.
جهان ساغلیقنی سقلش تشکیلاتی شونده‌ی دیدی: اوشبو لایحه‌دن ۷۶ مینگ کیشی فایده کوریشی کوتیلماقده و یوقوملی کسللیکلر نینگ آلدینی آلیش و کمه‌یتیریش ساحه‌سیده موفقیتگه ایریشه‌دی.
تاکاشی کورومیا؛ جاپان نینگ کابلده‌گی ایلچیسی اونینگ مملکتی افغانستانده‌گی یوقوملی کسللیکلر نینگ سلبی عاقبتلرینی کمه‌یتیریشگه قره‌تیلگن سعی – حرکتلرنی قوللب – قوّتلش طرفداری ایکنینی ایتدی.
