کابل ۲۱ حمل باختر
کان و پترولیم وزیرلیگی نینگ سرپرست وزیری چین نینگ «تویار» شرکتی، «مس عینک ۲» قراردادی شرکتی باشلیغی بیلن بولیب اوتگن اوچره‌شوویده مملکتیمیزده مس ایشلب چیقریش بوییچه بوتون جریان توگللنگنینی تأکیدله‌دی.
کان و پترولیم وزیرلیگی مطبوعات خدمتی بوگون بو خبرنی اعلان قیلیب، شونده‌ی دیدی: کان و پترولیم وزیرلیگی نینگ سرپرست وزیری شیخ الحدیث شهاب‌الدین دلاور تویار چین شرکتی باشلیغی بیلن اوچره‌شیب، ایریشیلگن ایشلر و عملگه آشیریله‌یاتگن ایشلر یوزه‌سیدن فکر المشدی.
«تویار» شرکتی باشلیغی «مس عینک ۲» لایحه‌سی بوییچه آلیب باریله‌یاتگن ایزلنیشلر حقیده گپیریب، لایحه‌نی عملگه آشیریشده یوزه‌گه کیله‌یاتگن تکلیف و معمالر بیلن اورتاقلشدی.
وزیرلیک نینگ سرپرست وزیری ایکّی دولت اورته‌سیده‌گی اقتصادی علاقه‌لرنی مستحکملش و کینگه‌یتیریش اوچون چینلیک سرمایه‌دارلر نینگ موجودلیگینی مهم دیب اته‌دی، بیراق برچه ایشلب چیقریش باسقیچلری افغانستانده عملگه آشیریلیشی کیره‌کلیگینی تأکیدله‌دی همده قید ایتیلگن شرکتی معمالرینی حل قیلیش بوییچه ضرور کورسه‌تمه‌لر بیردی.
