کابل ۲۸ حوت باختر
کان و پترولیم وزیرلیگی نینگ سرپرست وزیری قرغیزستان سرمایهداری بیلن اوچرهشوویده شوندهی دیدی: سرمایهدارلر افغانستان نینگ مینیرال ریسورسلریگه تولیق ایشانچ و شفّافلیک بیلن سرمایه کیریتیشلری کیرهک.
کان و پترولیم وزیرلیگی نینگ مطبوعات خدمتی بوگون بو خبرنی اعلان قیلدی و شوندهی دیدی: شیخ الحدیث شهابالدین دلاور، کان و پترولیم وزیرلیگی نینگ سرپرست وزیری قرغیزستان آلاتو کان شرکتی باشلیغی و اونگه همراه بولگن هیئتی بیلن اوچرهشدی.
قرغیزستانلیک سرمایهدار: «افغانستان و قرغیزستانده مینیرال ریسورسلر جوده کوپ، تجربه و زمانهوی تاغ-کان اسکونهلریگه ایگه بولگن شرکتیمیز افغانستاندهگی مینیرال ریسورسلرگه، خصوصاً، آلتین و انتیمونی کانلریگه سرمایه کیریتیشدن علاقهدار شونینگدیک، شرکتیمیز افغانستانلیک کان انجنیرلرینی ایشگه آلیشگه تیار. و کانچیلیک نینگ تورلی ساحهلریده عملی و تخنیکی مشغولاتلر اوتکزیش ایستیدی.
کان و پترولیم وزیرلیگی نینگ سرپرست وزیری شوندهی دیدی: بیز مملکتیمیزدهگی مینیرال ریسورسلرگه سرمایه کیریتیشدن علاقهدار بولگن برچه سرمایهدارلرنی قوتلهیمیز، اولر افغانستان نینگ مینیرال ریسورسلریگه تولیق ایشانچ و آشکارالیک بیلن سرمایه کیریتیشلری ممکن.
شونینگدیک، شیخ الحدیث شهابالدین، کان و پترولیم وزیرلیگی نینگ سرپرست وزیری، کانلرگه سرمایه کیریتیش اوچون ایندیگینه مملکتگه قَیتگن هندو باور سرمایهداریدن بیری بیلن اوچرهشدی.
بو اوچرهشووده او اسلام امیرلیگی نینگ هندولر نینگ تارتیب آلینگن ملکلرینی قَیتریش بوییچه سونگگی قراریدن ممنونلیگینی بیلدیردی و افغانستان نینگ کانلری، خصوصاً، کومیر، مرمر، قورغاشیم و جستگه سرمایه کیریتیشدن علاقهدار ایکنلیگینی بیلدیردی.
کان و پترولیم وزیرلیگی نینگ سرپرست وزیری وطنداشلریمیز نینگ مملکت مینیرال-خام اشیا ریسورسلریگه سرمایه کیریتیشگه بولگن قیزیقیشینی آلقیشلب، شوندهی دیدی: افغانستان برچه افغانلر وطنی، هندو وطنداشلریمیز افغانستان نینگ ریسورسلری و بایلیکلریده باشقه فقرالر قطاری تینگ حقوقلی شریکدیر و اولر افغانستان نینگ برچه کانلریگه سرمایه کیریتیش تمایللری و قاعدهلریگه کوره، کان و پترولیم وزیرلیگی هر قندهی همکارلیککه تیار دیدی.