کابل ۲۰ حوت باختر
صنعت و تجارت وزیرلیگی نینگ سرپرست وزیری نورالدین عزیزی قیرغیزستان نینگ کابلده‌گی ایلچیسی دانیار جولچییف بیلن اوچره‌شدی.
اوچره‌شووده ایکّی دولت اورته‌سیده‌گی سودا علاقه‌لرینی کینگه‌یتیریش مسأله‌لری بحث قیلیندی.
شونینگدیک، افغانستانده قیرغیزستان سودا اویی فعالیتینی یولگه قوییش، تاغ-کان صنعتیگه سرمایه کیریتیش، برق انرژیسی ایشلب چیقریش، یوقاری کوچلنیشلی انرژی اوزه‌تیش کیبللری و بیر قطار بیزنس مسأله‌لری یوزه‌سیدن فکر المشیلدی.
صنعت و تجارت وزیرلیگی نینگ سرپرست وزیری افغانستان اسلام امیرلیگی نینگ باشقه دولتلر بیلن اقتصادی علاقه‌لرنی رواجلنتیریش بوییچه قرارینی افاده‌لب، شونده‌ی دیدی: ایکّی دولت نینگ محصولات و ایشلب چیقریشلری رویخطینی طلبلرگه موافق بحث قیلیش اوچون بیر-بیرلری بیلن بولیشیش کیره‌ک دیب ایتدی.
قیرغیزستان ایلچیسی بیشکک نینگ افغانستان بیلن ایش بیلرمانلیک علاقه‌لرینی کینگه‌یتیریشدن منفعتدار ایکنینی تأکیدلب، «قیرغیزستان سودا اویی» قوریلیشی بیلن بو علاقه‌لر ینه‌ده کینگه‌ییشیگه امید بیلدیردی.
