کابل، ۱۲ قوس، باختر
«چیگره بیلمس شفاکارلر» تشکیلاتی ۱۸ – نوامبر کونی تشکیلات موترلری کاروانینی آتیشمهگه آلگنیگه اسرائیل اردوسی مسوول ایکنینی معلوم قیلدی.
اوشه هجومده اوشبو تشکیلات نینگ ایکّی اعضاسی اولدیریلگن.
تشکیلات نینگ بیلدیریشیچه، «چیگره بیلمس شفاکارلر» تشکیلاتی نینگ بیر قنچه خادملری و اولر نینگ یقینلری غزه سکتوری جَنوبیگه کیتماقچی بولگن پیتده الشفا کسلخانهسی یقینیده هجومگه اوچرهگن.
«چیگره بیلمس شفاکارلر» تشکیلاتی اعضاسی آتیشمه باشلنیشیدن سَل اوّل او بنالردن بیری نینگ تامیده میرگننی، شونینگدیک، اسرائیل تانکلرینی کورگنینی معلوم قیلدی.
بو خلقارا تشکیلات اسرائیل ریجیمی رسميلریدن توشونتیریش طلب قیلیب، تل ابیب مستقل تیرگاو اوتکزیشی کیرهکلیگینی تأکیدلهدی. «چیگره بیلمس شفاکارلر» تشکیلاتی هم اسرائیل اردوسینی ۲۰ نوامبر کونی غزه سکتوریدهگی موترلرینی اتهیلب یوق قیلگنلیکده عیبلهدی.
عینِ پیتده اسرائیل غزه دهگی شفاخانهلر، تیز یاردم موترلری، مکتبلر و قاچقینلر کپملریگه اتهیلب هجوم قیلگنلیکده بیر نیچه بار عیبلنگن.