کابل، ۱۰ قوس، باختر
مولوی اسد الله (بلال کریمی) ۲۰۲۳ – ییل ۲۴ – نوامبر کونی چین پایتختی بیجینگه باردی و افغانستان نینگ چینده گی ایلچیخانه‌سی ایلچیسی، دیپلوماتلر و خادملری بیلن بیرگه چین خلق جمهوریتی نینگ افغانستان بوییچه وکیللری بیلن اوچره‌شدی. چین تشقی ایشلر وزیرلیگی نینگ مخصوص وکیلی یوی شاویونگ و اونینگ هیئتی تامانیدن کوتیب آلیندی.
بوگون او ایشانچ یارلیقلری نسخه‌سینی چین تشقی ایشلر وزیرلیگی نینگ مراسملر بولیمی باشلیغی هونگ لیگه تاپشیردی.
اوشبو اوچره‌شووده هونگ لی افغانستان ایلچیسینی قوتلب، بونی چین و افغانستان اورته‌سیده‌گی مناسبتلرنی رواجلنتیریشده‌گی مهم قدم دیب اته‌دی.
اونینگ سوزلریگه کوره، چین – افغانستان نینگ ملی ترقیاتی و افغانستان خلقی نینگ قرارلرینی حرمت قیله‌دی و افغانستان نینگ ایچکی ایشلریگه اره‌لشمیدی و اوتمیشده هم اره‌لشمه‌گن.
شو بیلن بیرگه، افغانستان نینگ چینده‌گی ینگی ایلچیسی بلال کریمی شونده‌ی دیدی: «مین اسلام امیرلیگی نینگ چینده‌گی رسمی ایلچیسی و فوق العاده وکیلی صفتیده ایشیمنی باشله‌گنیمدن خرسندمن».
کریمی، شونینگدیک، چین تامانینی افغانستان حدودیدن هیچ کیمگه تهدید یوقلیگی، منطقه‌ده‌گی برقرارلیک و خوفسیزلیک برچه منفعتدار ایکنلیگیگه ایشانتیردی.
او چین نینگ افغانستانده‌گی سرمایه، یاتقیزیشینی قَیته تیکلش، رواجلنیش لایحه‌لری و قَیته قوریش ساحه‌لریده مهم رول اوینه‌گنینی و افغانستانده‌گی موجود برقرارلیک یخشی امکانیت ایکنینی، اوندن فایده‌لنیش کیره‌کلیگینی تاکیدله‌دی.
ایتیش جایزکی، چین تامانی اوشبو اوچره‌شووده اسلام امیرلیگی نینگ رسمی ایلچیسی کیلیشی بیلن چین و افغانستان اورته‌سیده‌گی ایجابی مناسبتلر مستحکملنیب، کینگه‌ییشیگه امید بیلدیردی.
