جهان، ۱۵ قوس، تشقی خبرلر
روسيه جمهور رئیسی ولادیمیر پوتین چارشنبه کونی یقین شرقده‌گی ایکّی دولت سعودی عربستان و بیرلشگن عرب امیرلیکلریگه تشریف بویوریشی ریجه‌لشتیریلگن.
بو اونینگ کرونا وبا اوج آلگندن کیین منطقه‌گه بیرینچی تشریفی، اما شونی ایتیش کیره‌ککی، بو اوچ دولت رهبرلری اورته‌سیده باشقه خلق‌ارا اوچره‌شوولر دایره‌سیده بولیب اوته دی.
کریملین مطبوعات کاتبی نینگ تاکیدلشیچه، پوتین نینگ تشریفی بند بولگنلیگی سببلی مسکوگه قَیتگونیگه قدَر بار – یوغی ۲۴ ساعت وقت آله‌دی و بو وقت ایچیده سعودی و امیرلیک رسميلری بیلن ایکّی تامانله‌مه مناسبتلر، غزه ده دوام ایته‌یاتگن ماجرا و اوکراین مسأله‌لرینی بحث قیله‌دی، اوروش و باشقه موضوعلر حقیده.
کریملین سراییدن ترقه‌تیلگن معلوماتلرگه کوره، پوتین نینگ تشریفی اوّل بیرلشگن عرب امیرلیکلریگه، کیین ایسه سعودی عربستانگه بوله‌دی.
روسيه جمهور رئیسی نینگ بو تشریفی اوکراین ده باشلنگن اوروش طفیلی خلق‌ارا جنایی دیوانی بویروغی بیلن انترپول یاکه خلق ارا پولیس نظارتی آستیده بولگن بیر پیتده عملگه آشیریلماقده.
اوکراین ده اوروش باشلنگنیدن سونگ، بو اونینگ چیکلنگن سیاحتلریدن بیری و بوندن آلدین پوتین چین و باشقه بیر قطار مملکتلرگه تشریف بویورگن.
