بازارک ۱۵ حمل باختر
پنجشیر ساغلیقنی سقلش باشقرمه‌سی اونلب دارو-درمان و طبیات بویوملری کیلیب توشگنینی معلوم قیلدی.
دوکتور حجت‌الله محمدی، پنجشیر ساغلیقنی سقلش باشقرمه باشلیغی، باختر آژانسیگه شونده‌ی دیدی: موف مؤسسه‌سی پنجشیر ساغلیقنی سقلش مرکزلرینی ییل نینگ ایکّینچی چاره‌گیده (۲۰۲۴) اوشبو دارو-درمان و طبی بویوملر بیلن تأمینلب و یاردم بیردی.
پنجشیر ساغلیقنی سقلش باشقرمه‌سی باشلیغی نینگ تأکیدلشیچه، اوشبو زیروارلر ترکیبیگه بیر یوز ۴۰ نامده‌گی دارو واسطه‌لری هم کیرا‌دی.
اونینگ قوشیمچه قیلیشیچه، آلینگن دارو-درمان و طبی بویوملر بیر قطار قدملردن سونگ پنجشیرده‌گی ساغلیقنی سقلش مرکزلریگه رسماً ترقه‌تیله‌دی.
اونینگ تأکیدلشیچه، اوشبو دارو-درمان و طبیات بویوملری ترقه‌تیلیشی بیلن پنجشیر اهالیسیگه ینه‌ده صفتلی طبی خدمت کورسه‌تیش امکانیتی پیدا بوله‌دی.
موف مؤسسه‌سی اوزاق وقتدن بیری پنجشیر ساغلیقنی سقلش باشقرمه‌سی بیلن همکارلیک قیلیب کیله‌دی.
