هرات، ۱۴ جدی، باختر
هراتده زلزله‌دن جبر کورگن عایله‌لرگه اونلب کلبه‌لر تاپشیریلدی.
بو کلبه‌لر زنده‌جان تومنیده‌گی کرنیل وردکیلر حدودیده‌گی هرات زلزله‌سیده اویلریدن اَیریلگن عایله‌لرگه تاپشیریلدی.
اوشبو کلبه‌لر قوریلیشی اوچون مسوول شکیب شهابی باختر آژانسیگه بو سفر زلزله‌دن جبرلنگنلرگه اوتّیز ییتّیته ستندرد کلبه ییتکزیلگنینی ایتدی.
بو کلبه‌لر آدملر نینگ یاردمی بیلن و ییتمیش مینگ دالر خرجت بیلن قوریلگن.
اونینگ ایتیشیچه، بو اویلر باش‌پناه‌گه محتاج عایله‌لرگه بیریلگن.
بو کلبه‌لرنی تاپشیریش مراسمیده هرات ولایتی اورین باسری مولوی حیات الله مهاجر اسلام امیرلیگی هرات زلزله جبردیده‌لرینی قولیدن توتیشگه حرکت قیله‌یاتگنینی ایتدی.
حیات الله مهاجر «حاضرگچه بو قیشلاقلر اهالیسی اوچون ۱۰۰۰ دن آرتیق اوی قوریلگن، اولر نینگ بعضیلری حلی هم قوریلیشی دوام ایتماقده»، دییدی.
باشقه تاماندن، هراتده‌گی زلزله جبردیده‌لری کلبه‌لرگه ایگه بولگنلیکلریدن ممنون ایکنلیکلرینی، بیراق اولر نینگ معمالری تصادم‌لی اوی بیلن حل بولمسلیگینی و قوریله‌یاتگن اساسی اویلری نینگ قوریلیشی توگللنیشینی کوتیشلرینی ایتیشدی.
عینِ پیتده هرات زلزله‌سیدن جبرلنگنلر اوچون اویلر قوریش ایشلری دوام ایتماقده.
