کابل، ۲۸ قوس، باختر
ملی مدافعه وزیرلیگی نینگ سرپرست وزیری چین نینگ افغانستاندهگی وکیلی بیلن اوچرهشوویده اسلام امیرلیگی کیلیشی بیلن چین بیلن ایکّی تامانلهمه مناسبتلر کوندن کونگه مستحکملنیب باریشینی ایتدی.
ملی مدافعه وزیرلیگی مطبوعات خدمتی بوگون اوشبو خبرنی اعلان قیلگن حالده معلوم قیلدی: ملی مدافعه وزیرلیگی نینگ سرپرست وزیری مولوی محمد یعقوب “مجاهد” چین خلق جمهوریتی نینگ افغانستان بوییچه وکیلی یو شیایوینگ بیلن اوچرهشیب، بیر توپلم موضوعلر بوییچه بحث قیلیشدیلر.
بو اوچرهشووده ملی مدافعه وزیرلیگی نینگ سرپرست وزیری افغانستان خلقیگه چین اورتهسیدهگی دوستانه مناسبتلر و همکارلیکنی ایسلهتیب، شوندهی دیدی: اسلام امیرلیگی نینگ کیلیشی بیلن قوشنی دولتلر، خصوصاً، چین بیلن ایکّی تامانلهمه علاقهلر کوندن کونگه مستحکملنیب بارماقده.
شونینگدیک، یو شیایوینگ افغانستانده تولیق خوفسیزلیک و برقرارلیک اورنهتیلیشیگه نیکبینلیک بیلدیریب، چین جمهوریتی نینگ افغانستان خلقیگه اقتصادی و تجارت ساحهلریده کورسهتهیاتگن یاردمی و همکارلیگی دوام ایتیشینی تأکیدلهدی. یکونده تامانلر ایکّی قوشنی دولت اورتهسیدهگی مناسبتلرنی ایزچیل رواجلنتیریشگه علیحده اعتبار قرهتدیلر.