کابل، ۱۱ دلو، باختر
مالیه وزیرلیگی نینگ سرپرست وزیری ملا محمد ناصر آخند بلخ ولایت حاکمی محمد یوسف وفا بیلن اوچرهشوویده اونینگ اوشبو ولایت حاکمی بیلن درآمد ییغیش ساحهسیدهگی همکارلیگینی یوقاری بهالهدی.
باختر آژانسیگه کوره؛ بلخلیک موستافی هم اشتراک ایتگن بو مجلسده بلخده سالیق ییغیش جریانی، حیرتان عادتلری نینگ احوالی، مستوفی و ولایت مأموریتلری اورتهسیدهگی موافقلشتیریشنی یخشیلش، خرجتلرنی نظارت قیلیش اوچون توزیلگن کمیته اهمیتی بحث قیلیندی.
شونینگدیک، مالیه وزیرلیگی نینگ سرپرست وزیری بلخ گوبېرناتوریگه درآمدلرنی ییغیش بوییچه مستوفیت متصدیلری بیلن یخشی موافقلشتیریلگنلیگی و همکارلیکنی یخشیلهگنی اوچون منّتدارچیلیک بیلدیردی.
خودّی شوندهی، بلخ حاکمی سالیقلر شفّاف طرزده ییغیلیب، دولت خزنهسیگه اوتکزیلیشی اوچون درآمد ییغیش بارهسیده باشقه ادارهلر بیلن همکارلیک قیلیشیگه ایشانتیردی.