کابل، ۲۷ قوس، باختر
اسرائیل نینگ غزه گه بولگن تجاوزی نینگ اساسی قربانلری عیاللر و باله‌لردیر. فلسطین ساغلیقنی سقلش وزیرلیگی معلوماتلریگه کوره، اسرائیل ریجیمی نینگ غزه ده‌گی هجوملریده شهید بولگن فلسطینلیکلر نینگ ۷۰% عیاللر و باله‌لردیر.
بو اسرائیل نینگ غزه نی بامباردمان قیلیشلری و بالیستیک راکت‌لری نینگ ۷۰ کوندن آرتیق دوام ایتیشی دوامیده ۱۹ مینگگه یقین آدم شهید بولگن، اکثریتی عیاللر و باله‌لر بولگن ۵۱ مینگ کیشی یره‌لنگن، ۷ مینگدن آرتیق آدم بی درَک یوقالگن بولسه – ده.
فلسطین ساغلیقنی سقلش وزیرلیگی نینگ رقملر معلوماتلریگه کوره، اوشبو اوروشده هلاک بولگنلر آره‌سیده طبیات بولیمی نینگ ۳۰۰ کیشی خادیمی، ۸۶ کیشی ژورنالیست، بیرلشگن ملتلر نینگ ۱۳۵ کیشی خادیمی و فقرالیک مدافعه‌سی کوچلری نینگ ۳۵ کیشی اعضاسی بار.
وزیرلیک، شونینگدیک، غزه ده‌گی ۳۶ کسلخانه‌دن فقط ۸ ته‌سی یریم فعال ایکنلیگینی و بستر بیمارلر اوچون بولیم تیربندلیگی درجه‌سی ۲۰۶ فایزگه، آیاق اوستیده گی بیمارلری ایسه ۲۵۰ فایزگه آشگنینی ایتدی.
عینِ پیتده جهان ساغلیقنی سقلش تشکیلاتی اسرائیل اردوسی نینگ غزه ده‌گی کمال عدوان کسلخانه‌سیگه اویوشتیرگن هجومیدن کتّه خواطر بیلدیردی.
تدروس گبرییسوس؛ جهان ساغلیقنی سقلش تشکیلاتی باشلیغی تشکیلات حسابیگه کوره، اسرائیل اردوسی نینگ اوشبو کسلخانه‌گه هجومی کمیده ۸ بیمارنی اولدیرگن و شفاخانه ایشدن چیققن.
عینِ پیتده بو تشکیلات اسرائیل تامانیدن حبسگه آلینگن اَیریم خادملری حقیده معلومات قیدیرماقده.
جناب گبرییسوس نینگ سوزلریگه کوره، کوپلب بیمارلر شفاخانه‌نی یالغیز تشلب، اوز حیاتی و خوفسیزلیگینی خوف آستیگه قوییشگه مجبور بولگن.
باشقه تاماندن، پاپ فرانسیس؛ دنیا کاتولیکلری نینگ ییتکچیسی اسرائیلنی غزه ده «ترور تاکیتیک‌سی» قولله‌گنلیکده عیبلب، غزه ده‌گی کلیساده باش‌پناه تاپگن ایکّی نصرانی عیال نینگ اولدیریلیشیدن نفرتلنگنلیگینی بیلدیردی و «غزه دن آغریقلی و دهشتلی خبرلر ایشیتیشده دوام ایته‌من. قورالسیز تینچ اهالی بومبه و اوقلر نینگ نشانیگه اَیلنماقده» دیدی.
