کابل ۲۴ دلو باختر
افغانستان تیمیر یوللری باشقرمه سی نینگ معلوم قیلیشیچه، روه‌ن هجری نینگ سونگگی هفته‌سیده مملکت تیمیر یوللری آرقه‌لی ۹۱ مینگ و ۵۹۳ متریک تُن، جمله‌دن، نفت، نانِفت و باشقه ماتریاللر اوتکزمه‌لری عملگه آشیریلگن.
اوشبو بولیم مطبوعات خدمتی خبرنامه‌ده شولردن ۷۱ مینگ و ۵۰ تُن‌سی حیرتان تیمیر یولی آرقه‌لی، ۱۱ مینگ و ۴۶۳ تُن‌سی آقینه تیمیر یولی آرقه‌لی، ۹ مینگ و ۸۰ تُن‌سی تورغندی تیمیر یولی آرقه‌لی وارد و صادر قیلینگنلیگینی یازدی.
اخبارات نامه نینگ قوشیمچه قیلیشیچه، اوتکزمه‌لر نینگ بیر قِسمی صادراتگه توغری کیله‌دی، اوتگن هفته‌ده ۷۳۷ تُن تجارت تاوه‌رلری صادرات قیلینگن بولیب، اولر نینگ کتّه قِسمی قوریتیلگن میوه و میوه شربتلری دیر.
افغانستان تیمیر یول اداره سی اوشبو بولیم سوداگرلر اوچون قوله‌ی شرط-شرایطلر و قوله‌یلیکلر یره‌تیشگه حرکت قیلماقده.
