هرات، ۱۹ قوس، باختر
هرات برشنا شرکتی نینگ باشقرمه سی خادملری نینگ ایتیشیچه، ییل باشیدن بویان بو بولیم تورت یریم میلیارد افغانی درآمد آلگن.
هرات برشنا باشلیغی مولوی خیر محمد معراج، باختر آژانسی نینگ هراتلیک مخبری بیلن صحبتده، یقینده برشنا چیقیندیلرنی کمه‌یتیریش، ایسکیرگن حسابله‌گیچلر و برق اوزه‌تیش لینيه‌لری نینگ آلدینی آلیش طفیلی آنالوگ حسابله‌گیچلرنی رقملی حسابلشگه اوتکزیشگه قرار قیلگنینی ایتدی.
اونینگ قوشیمچه قیلیشیچه، ایسکی حسابله‌گیچلر نینگ اکثریتی بوزیلگن یاکه یراقسیز بولگن، برشنا مأموریتی مرکزی اورگانلر کورسه‌تمسی بیلن آلدینگی حسابله‌گیچلرنی المشتیریشگه قرار قیلگن.
برشنا اداره سی باشلیغی نینگ ایتیشیچه، او تومن مقیاسیده برق انرژیسینی رواجلنتیریش ریجه‌سی حقیده معلومات بیرگن و عینِ پیتده تورکمنستان برق انرژیسیدن هراتده‌گی ۲۲۰ کیلوات قوّتگه ایگه بولگن برقیدن ایش آلیب باریله‌یاتگنینی و تورتته تومن (کرخ، پشتون زرغون، اوبه و چشت) نی قوریش ایشلری دوام ایته‌یاتگنینی ایته‌دی.
«برشنا» شرکتی نینگ باشلیغی هرات قیشکی موسمده برق انرژیسینی ترتیبگه سالیش ریجه‌سی حقیده معلومات بیردی و قیش موسمیگه تیارگرلیک کوریش مقصدیده هرات ولایتده گی ۲۰ کیلوات قوّتگه ایگه «برشنا» ترقه‌تیش ترماغی قَیته کوریب چیقیلگنلیگینی معلوم قیلدی.
