کابل ۲۹ دلو باختر
کان و پترولیم وزیرلیگی نینگ سرپرست وزیری ایران نینگ اسماری گروپ شرکتی باشلیغی بیلن اوچره‌شیب، افغانستانده‌گی سرمایه‌وی امکانیتلرنی بحث قیلدی.
کان و پترولیم وزیرلیگی مطبوعات خدمتی بوگون بو خبرنی اعلان قیلدی: اوشبو وزیرلیک نینگ وزیری شیخ الحدیث شهاب‌الدین دلاور ایران نینگ اسماری گروپ شرکتی باشلیغی مرتضی اصغری بیلن اوچره‌شیب، افغانستانده‌گی سرمایه‌وی امکانیتلرنی بحث قیلدی.
مرتضی اصغری شونده‌ی دیدی: بیر نیچه ییل آلدینگی بیلن سالیشتیرگنده افغانستان اینویستارلر (سرمایه‌دارلر) اوچون جوده یخشی امکانیتلرگه ایگه مملکت و بو یخشی وعده زمانی دیر دیب تأکیدله‌دی.
او افغانستان کانلری، خصوصاً، نفت و گازگه سرمایه کیریتیشدن علاقه‌دار ایکنلیکلرینی بیلدیردی و اسلام امیرلیگی رسميلریدن همکارلیک قیلیشنی سوردی.
کان و نفت وزیرلیگی نینگ سرپرست وزیری ایران نینگ اسماری گروپ شرکتی نینگ مملکت کانلریگه سرمایه کیریتیشگه بولگن قیزیقیشینی معقولله‌دی و هرات و بادغیس ولایتلریده‌گی ۲۳ مینگ کیلومتر میدانگه ایگه هرات نفت کانی بلاکلری حقیده معلومات بیریب، و دیدی: بیز یخشی امکانیتلرنی تاپیشگه حرکت قیلماقده‌میز، اینویستارلر اوچون قوله‌ی بولیشی اوچون و بیز خارجی اینویستارلر نینگ افغانستانگه، خصوصاً، کانلرگه سرمایه کیریتیشلرینی ممنونیت بیلن قبول قیله‌میز.
