کابل، ۲۶ جدی، باختر
ایران سپاه پاسدارانی عراق و سوريه‌ده‌گی نشانلرگه راکت‌لر بیلن ضربه بیردی.
ایرنا؛ ایران اسلام جمهوریتی نینگ رسمی خبر آژانسی شونده‌ی دیدی: عراق – ایران نینگ کرمان و راسک شهرلریده سونگگی پیتلرده صادر ایتیلگن هجوملرگه علاقه‌دار قوماندانلر و اساسی عنصرلر توپلنه‌دیگن جایلرنی راکت‌لر بیلن نشانگه آلدی و یوق قیلدی.
عراق نینگ کردستان حدودی هم راکت‌لر بیلن هجومگه اوچره‌گن و اسرائیل جاسوسلیک آژانسی نینگ موساد باش‌پناه‌سی نشانگه آلینگن.
عراق نینگ کردستان باش وزیری مسرور بارزانی اوز بیاناتیده اربیلگه هجومنی “کرد خلقیگه قرشی جنایت دیب اته‌دی” و مختار کردستان حکومتی خوفسیزلیک کینگشی هم اربیلده هجومده کمیده ۴ تینچ فقرا نینگ هلاک بولگنینی و ۶ کیشی نینگ یره‌لنگنینی اعلان قیلدی.
آمریکا دولت اداره سی اربیلگه اویوشتیریلگن هجوملرنی قاره‌له‌دی و ایران سپاه پاسداران قول اردوسینی «بی پروالیک» دیب اته‌دی و آمریکا آبعیکتلری نشانگه آلینمه‌گنی و آمریکا قربانلری یوقلیگینی ایتدی.
اما ايران بو هجوملرده انیق نشانلر کوزه‌تیلگنینی تأکیدله‌ماقده.
