کابل ۱۰ دلو باختر
افغانستان اسلام امیرلیگی نینگ قطرده‌گی سیاسی اداره‌سی باشلیغی محمد سهیل شاهین دوحه‌ده بویوک بريتانيا نینگ افغانستانده‌گی ایلچیخانه‌سی نینگ وقتینچه‌لیک ایشلر وکیلی بیلن اوچره‌شگنینی معلوم قیلدی.
شاهین اوزی نینگ ایکس صحیفه‌سیده رابرت چترتون دیکسن بیلن تورلی مسأله‌لر، جمله‌دن، ایکّی تامانله‌مه مناسبتلر بوییچه اوچره‌شگنینی یازدی.
شونینگدیک، او دیکسن بیلن ۱۸ – ۱۹ فبروری کونلری دوحه‌ده اوتکزیلیشی ریجه‌لشتیریلگن افغانستان بوییچه مخصوص وکیللر اوچره‌شووینی بحث قیلگنینی قوشیمچه قیلدی.
اوّلراق بیرلشگن ملتلر تشکیلاتی باش کاتبی نینگ مطبوعات کاتبی ستفان دوجاریک اوشبو اوچره‌شوو ۱۸ و ۱۹ فبروری کونلری افغانستان بوییچه مخصوص وکیللر اشتراکیده اوتکزیلیشینی ایتگن ایدی.
دوجاریک نینگ تأکیدلشیچه، اوشبو اوچره‌شوونی اوتکزیشدن مقصد افغانستان بوییچه خلق‌ارا اشتراکنی ینه‌ده ایزچیل و موافقلشتیریلگن طرزده آشیریشگه قنده‌ی یانده‌شیشنی بحث قیلیشدیر.
