کابل ۹ حوت باختر
آلتیته ینگی قودوق بورغیلش نتیجه‌سیده آمودریا حوزه‌سیده نفت قازیب آلیش قوّتی آشدی، بو حوزه‌دن کونیگه ۱۳۵۰ تُن نفت قازیب آلینماقده.
کان و نفت وزیرلیگی: «آمودریا نفت کانیده ۶ ته ینگی قودوق نینگ بورغولش و ایشگه توشیریلیشی بیلن اوشبو حدودده‌گی فعال قودوقلر نینگ عمومی سانی ۲۴ ته قودوققه، قازیب آلیش درجه‌سی ایسه هر ییلی ۱۳۵۰ تُن‌گه ییتدی.
آمودریا نفت کانی سرپل، جوزجان و فاریاب ولایتلرینی اوز ایچیگه آله‌دی، بو ییرده هر کونی ۱۵ ته قشقری بلاکیدن، ۶ ته انگوت بلاکیدن و 3 ته آق دریا بلاکیدن ۱۳۵۰ تُن نفت قازیب آلینه‌دی و خصوصی کارخانه‌لر تامانیدن قَیته ایشلنه‌دی. سکتوری مملکت ایچیده عملگه آشیریله‌دی و بو ساحه‌ده کوپراق تدقیقات ایشلری آلیب باریلماقده.
۲۰۲۴-ییل آخریگچه قشقریده ۱۲ ته، زمرد-سایده ۸ ته، بازار کمیده بیرته و آق دریا بلاکلریده ۲ ته قودوق قازیله‌دی، بو ایسه آمودریا نفت کانیده‌گی فعال قودوقلر نینگ عمومی سانینی ۴۷ تگه ییتکزه‌دی. قودوق حلقه‌سی و سوتکه‌لیک قازیب آلیش قوّتی ۳۰۰۰ تُن‌گه ایته‌دی.
ایتیش کیره‌ککی، حاضرده ۱۵۰۰ کیشی یورتداشیمیز آمودریا نفت کانیده بی واسطه و بالواسطه محنت قیلماقده.
