کابل ۱۰ ثور باختر
حماس اسلامی حرکتی هیئتی غزه ده‌گی اوت آچیشنی توخته‌تیش کیلیشووینی بحث قیلیش اوچون بوگون مصرگه باره‌دی.
العربی الجدید سایتی خبردار منبعسیگه ته‌یه‌نیب خبر بیریشیچه، حماس هیئتیگه اوشبو حرکت نینگ غزه سکتوریده‌گی سیاسی اداره‌سی باشلیغی اورین‌باسری خلیل الحيه باشچیلیک قیلماقده.
قاهره‌ده او مصر استخبارات وزیری عباس کامل و حماس و اسرائیل اورته‌سیده‌گی واسطه‌چیلیک ایشینی نظارت قیلووچی باشقه قطار مصر رسميلری بیلن اوچره‌شه‌دی.
بو هیئت ترکیبیده حماس سیاسی اداره‌سی اعضاسی و اوشبو حرکتده‌گی محبوسلر و شهیدلر بولیمی باشلیغی زاهر جبارین هم بار.
عینِ پیتده، اسرائیل گزیته‌سی اسرائیل ریجیمی نینگ فلسطین قرشیلیک کورسه‌تیش شرطلریگه راضی بولیشگه تیار ایکنلیگینی آشکار قیلدی.
عبری گزیته‌سی «اسرائیل هیوم» بو حقده شونده‌ی یازگن ایدی: اسرائیل اسیرلر المشینوویدن سونگ اوروش توگه‌گنینی اعلان قیلیشدن تشقری حماس نینگ برچه طلبلریگه جواب بیریشگه تیار.
بو ییتکیرمه خبر بیردی: اسرائیل بیر قطار محبوسلرنی آزاد قیلیش اوچون حماس بیلن کیلیشووگه ایریشیش اوچون ۱۰ کوندن ۲ هفته‌گچه وقت اجره‌تیشنی ریجه‌لشتیرماقده.
اسرائیل نینگ “یدیعوت آحارنوت” گزیته‌سی هم اعلان قیلدی: اسرائیل مذاکره‌لرنی یکونلش اوچون قاهره‌گه هیئت یوباریشگه تیارگرلیک آله‌یاتگنینی یازگن.
