کابل، ۳ جدی، باختر
باش وزیرلیک اداره سی نینگ اقتصاد یوییچه اورین‌باسری ملا عبدالغنی برادر آخوند رئیسلیگیده اوتکزیلگن ییغیلیشده بیر قطار ترانسپورت و سالیق مسأله‌لری بحث قیلینیب، تیگیشلی قرارلر قبول قیلیندی.
باش وزیرلیک اداره سی نینگ اقتصادی بوییچه اورین باسرلیگی نینگ مطبوعات خدمتی اخبارات نامه سیده شونده‌ی یازه‌دی: باش وزیرلیک اداره سی نینگ اقتصادی بوییچه اورین‌باسری ملا عبدالغنی برادر آخوند ترانسپورت و هوانوردی، صنعت و تجارت وزیرلیگی نینگ سرپرست وزیری، مالیه وزیرلیگی، حکومت وکیللری، خصوصی سکتور و بیر قطار ملی ایش بیلرمانلر و صنعتچیلر بیلن اوچره شدی.
ییغیلیشده ترانسپورت شرکتلری تامانیدن بیلگیلنگن لیمیتدن قوشیمچه یول حقی اوندیریش، مملکتیمیز نینگ برچه باجخانه اورگانلریده یوک تشووچی ترانسپورت واسطه‌لری نینگ نوبتلرینی ترتیبگه سالیش، شونینگدیک، مالیه وزیرلیگی تامانیدن ملی سوداگر و صنعتچیلر نینگ سالیق حجتلرینی تیکشیریش کبی مسأله‌لر بحث قیلیندی. مالیه، صنعت و تجارت، ترانسپورت و هوانوردی وزیرلیکلری همده تجارت – صنعت و سرمایه گذارلیک، صنعت و کانچیلیک اتاقلری وکیللریدن عبارت کمیسیون باش وزیرلیک اقتصاد اورین باسرلیگی وکیلی رئیسلیگیده‌گی مسأله‌لرنی بهالشگه قرار قیلیندی. ترانسپورت شرکتلری تامانیدن بیلگیلنگن لیمیتدن قوشیمچه یول حقی اوندیریش و مملکت باجخانه‌لریده نوبتلرگه رعایه قیلیش، تیگیشلی ولایتلرگه سیاحت قیلینگ و حساباتینگیزنی باش وزیرلیک اداره سی نینگ اقتصاد بوییچه اورین باسرلیگی بیلن اورتاقلشینگ دیدی.
شونینگدیک، تجارت – صنعت و سرمایه گذارلیک اتاقی وکیلینی ترانسپورت و هوانوردی وزیرلیگی رئیسلیگیده‌گی ترانسپورت شرکتلری نینگ یولکیره تریفلرینی انیقلش کمیته‌سی ترکیبیگه کیریتیش توغریسیده قرار قبول قیلیندی.
بوندن تشقری، ترانسپورت و هوانوردی وزیرلیگی یوک مو‌ترلری نینگ نوبتیگه رعایه قیلیش اوچون توزیلگن ترتیب – قاعده‌لرنی دایمی روشده عملگه آشیریشی شرط دیگن قرار قبول قیلیندی.
شونینگدیک، اقتصادی وکیلی نینگ مالیه وزیرلیگی تامانیدن تشکیل ایتیلگن ملی تدبیرکارلر و صنعتچیلر نینگ سالیق حجتلرینی ککریب چیقیش بوییچه کمیته اعضاسی صفتیده اشتراک ایتیشی بیلگیلندی.
