کابل، ۱۱ دلو، باختر
صنعت و تجارت وزیرلیگی قزاقستان و اوزبیکستانده استقامت قیله‌یاتگن افغان تدبیرکارلری نینگ افغانستانگه سرمایه کیریتیش اوچون قَیتیشگه تیارلیگینی معلوم قیلدی.
بو حقده بوگون صنعت و تجارت وزیرلیگی مطبوعات خدمتی خبر بیردی.
صنعت و تجارت وزیرلیگی نینگ سرپرست وزیری الحاج نورالدین عزیزی مملکت ملی ایش بیلرمانلریدن بیری مهندس عزیزالله روزی و اونینگ همراهلری بیلن اوچره‌شدی.
صنعت و تجارت وزیرلیگی نینگ سرپرست وزیری قرداشلیک و هم‌جهتلیککه علیحده اورغو بیرر ایکن، «وطن برچه ملتلرگه منسوب، بیرگه‌لیکده حرکت قیلمسه‌ک، ایش بولمه‌یدی، برچه‌میز بیردیک حرکت قیلیشیمیز کیره‌ک دیدی.”
قوییده مهندس عزیزالله روزی مملکت ایش بیلرمانلری، قزاقستان و اوزبیکستان فقرالری نامیدن سوزگه چیقیب، اوشبو وزیرلیک رهبریتی بیلن ۳۳ ته شرکت رویخطی بیلن اورتاقلشدی و مذکور شرکتلر نینگ منصبدار کیشیلری اوز مبلغلرینی قَیتریب بیریش و اوتکزیش ایسته‌گیده ایکنلیگینی افغانستان باشکینتیگه معلوم قیلدی.
صنعت و تجارت وزیرلیگی نینگ سرپرست وزیری الحاج نورالدین عزیزی اولرگه سعی-حرکتلری اوچون منّتدارچیلیک بیلدیریب، شونده‌ی دیدی: افغانستان کانلر بوییچه بای دولت؛ بو مملکت و اونگه فقط باشقروو کیره‌ک.
الحاج نورالدین عزیزی نینگ قوشیمچه قیلیشیچه، افغانستان اسلام امیرلیگی وطنداشلری نینگ مملکتگه قَیتیشینی آلقیشله‌یدی و صنعت و تجارت وزیرلیگی، اینیقسه، خصوصی سکتور خدمتیده و اولرنی قوللب-قوّتله‌یدی.
