کابل ۲۵ ثور باختر
تورکيه نینگ استانبول شهریده بولیب اوتگن اسلام عالمی علمالری نینگ مصلحت ییغیلیشیده حج و اوقاف وزیرلیگی نینگ سرپرست وزیری شونده‌ی دیدی: «اسلام امیرلیگی انسانیت اوچون جدّی تهدید بولگن بنگی وار مادّه‌لرنی ییتیشتیریش و سودا قیلیشنی من قیله‌دی و اونگه قرشی قطعی حرکت قیله‌دی.
بو حقده بوگون، حج و اوقاف وزیرلیگی مطبوعات خدمتی خبر بیردی.
اوشبو اوچره‌شووده فیقه فنی باش تدقیقاتچیسی، افغانستان اسلام امیرلیگی نینگ، حج و اوقاف وزیرلیگی نینگ سرپرست وزیری، شیخ الحدیث دوکتور مفتی نور محمد ثاقب: «اوشبو کتّه اونوملی اشتراک ایتیشدن کتّه بخت. اسلام عالمی نینگ کوپلب علمالری (دین یولدوزلری) حاضر بولسه، تورکيه نینگ دین ایشلری بولیمیگه (دیانت) اوشبو مهم دورده اسلام عالمی علمالری نینگ بونده‌ی مصلحت انجمنینی تشکیل ایتگنی اوچون منّتدارچیلیک بیلدیره‌من.
اونینگ قوشیمچه قیلیشیچه، بوگونگی کونده تورلی فکری، سیاسی، اجتماعی، اقتصادی و هکذالر اسلام امتیگه تأثیر ایته‌یاتگن و آخر-عاقبتده اسلامی مملکتلر نینگ ضعیفلشیشیگه سبب بولماقده، اسلام امتی ایسه اونی زودلیک بیلن دوالشگه جوده محتاج و فقط علمالر‌گینه یاردم بیره آله‌دیلر. شو نقطه‌ده اسلام دینی نینگ کورسه‌تمه‌لریدن فایده‌لنینگ اولر بیر کون کیلیب بو خلق نینگ آبادلیگی و نجاتیگه سبب بوله‌دی.
حج و اوقاف اراده‌سی وزیری قوشیمچه قیلدی: مسجد الاقصی نه‌فقط فلسطین بیلن باغلیق، بلکه بوتون اسلام امتیگه تیگیشلی بولیب، مسجد الاقصی تاریخی پیغمبرلر تاریخیدیر، اولرگه آدم علیه‌السلامدن، سونگگی پیغمبریمیز محمد (ص)گه اوشه مقّدس جایدن آسمانگه کوتریلگن، بوگون فلسطین نینگ مظلوم خلقی شفقتسیزلرچه هجومگه اوچره‌ماقده و هر کونی یوزلب مسلمانلر، جمله‌دن، باله‌لر و عیاللر، اوشه مملکتده مظلوم و شهید بولماقده، بوندن تشقری، فلسطین نینگ بی‌گناه خلقیگه نیمه قیلینه‌یاتگنی و انسانیت بوندن اویه‌لگنینی قطعی و قطعی قوللب-قوّتلنگ دیب تأکیدله‌دی.
اسلام امیرلیگی و افغانستان نینگ مجاهد خلقی غزه و بوتون فلسطینده صادر بوله‌یاتگن واقعه‌لردن جوده قیغوده و تأثیرلنماقده، چونکه بوگونگی فلسطین کبی افغانستانده هم سابق ساویت اتفاقی و باشقه دولتلر نینگ اشغالی دوریده سان-سناقسیز وحشيلیک و جنایتلر صادر ایتیلگن. شو بیلن بیرگه قوشمه آمریکا ایالتلری و ساویت دوری روسیه افغانستان نینگ مظلوم خلقیگه قریب یریم قرن ظلم قیلگن.
افغانستان اسلام امیرلیگی اسلامی توزوم نینگ ضبط و غلبه‌سیدن کیین مملکتده شرقدن غربگه و شِمالدن جَنوبگه خوفسیزلیکنی تأمینله‌دی و اسلام نظامی نینگ باشیده علمالر، شریعت و عدالت برچه ایشلرده عمل قیله‌دی. حاضر ایسه شکر الحمدالله، خلق ایسه توزوم طرفداری و تینچ یشهب کیلماقده.
افغانستان اسلام امیرلیگی مملکت اقتصادینی یوکسه‌لتیریش اوچون کتّه سعی-حرکتلرنی عملگه آشیردی و مرکز و ولایتلرده سان-سناقسیز عمرانی ایشلرنی قَیته قوردی، رواجلنیش لایحه‌لری جدللیک بیلن عملگه آشیریلماقده، اسلام امیرلیگی برچه آدملرنی ایش بیلن تأمینلشگه حرکت قیلماقده.
قاله‌ویرسه، اسلام امیرلیگی انسانیت اوچون جدّی تهدید بولگن بنگی وار مادّه‌لرنی ییتیشتیریش و سودا قیلیشنی تعقیقله‌یدی و اونگه نسبتاً قطعی چاره کوره‌دی. و شونی ایتیش کیره‌ککی، اسلام امیرلیگی منطقه و دنیا دولتلری، خصوصاً، اسلام دولتلری بیلن یخشی و اوزارا مناسبتلرنی ایسته‌یدی.
