کابل، ۳۰ جدی، باختر
بیرلشگن ملتلر تشکیلاتی نینگ باله‌لر جمغرمه‌سی غزه ده باله‌لر اوچون اینگ خوفلی جای دیب اته‌دی و او ییرده حاضرگی اوروش باله‌لرگه قرشی کیتماقده.
یقینده غزه سکتوریگه تشریف بویورگن جمغرمه رهبری اورین‌باسری تدشایبان اوز بیاناتیده، “غزه سکتوری ایکّی آی آلدین قیلگن آخرگی تشریفیمگه قره‌گنده انچه فلاکتلی و کینگ کولملی ویرانه‌گرچیلیککه اوخشردی” دیدی.
اونینگ قوشیمچه قیلیشیچه، «یونیسف غزه سکتورینی باله‌لر اوچون دنیاده‌گی اینگ خوفلی جای دیب تعریفله‌گن». بو باله‌لر بیلن اوروش، دیدیک… بو اوروشده هلاک بولگنلر نینگ ۷۰ فایزی عیاللر و باله‌لر ایکنی معلوم قیلیندی. باله‌لر نینگ اولدیریلیشی درحال توخته‌تیلیشی کیره‌ک
ییتکیرمه خبرلریگه کوره؛ ساغلیقنی سقلش وزیرلیگی، غزه ده‌گی اوروش نینگ ۱۵۰-کونیده ۲۴ مینگ و ۷۶۲ کیشی هلاک بولگنینی معلوم قیلدی، هلاک بولگنلر نینگ اینگ کوپی باله‌لردیر.
شایبان نینگ بیاناتیده ایتیلیشیچه، حاضرگچه ۱.۹ میلیوندن آرتیق آدم، یعنی غزه اهالیسی نینگ قریب ۸۵ فایزی باشقه جایگه کوچیریلگن و اولر نینگ کوپچیلیگی بیر نیچه بار باشقه جایگه کوچیریلگن. اولر نینگ بیر میلیوندن آرتیغی رفح ده جایلشتیریلگن.
او غزه ده انیق و دایمی اوت آچیشنی توخته‌تیشگه چقیردی.
