کابل، ۲۳ قوس، باختر
آمریکا کانگرسی نینگ وکیللر مجلسی جمهور رئیس بایدینگه استیضاح اعلان قیلیش اوچون آواز بیردی.
معلوماتلرگه کوره، ۲۲ – قوس، چارشنبه کونی آمریکا کانگرسی وکیللر مجلسی نینگ جمهوریتچیلر پارتیسی آمریکا جمهور رئیسیگه استیضاح اعلان قیلیش اوچون آواز بیرگن، ۲۲۱ کیشی یاقلب، ۲۱۲ کیشی قرشی آواز بیرگن.
وکیللر مجلسی اعضالری بایدن اوزی نینگ ۵۳ یاشلی اوغلی هانتر بایدن نینگ خارجی بیزنس بیتیملریدن ناتوغری فایده کورگنمی یاکه یوقمی، رسمی تیرگاو آچیشگه کیلیشیب آلدیلر.
ایلگری آق اوی بو تیرگاونی رد ایتگن و اونی هیچ قندهی دلیلسیز سیاسی ماتیولی دیب حسابلهگن.
اما اعتقادگه کوره، بایدننی آلیب تشلش بوییچه اورینیشلر موفقیتسیز بولیشی ممکن، چونکه ریجه یکونی معقوللش اوچون دیموکراتلر کوپچیلیک بولگن مملکت سیناتی تامانیدن معقوللنیشی کیرهک.
رویترز خبریگه کوره، آمریکا جمهوریتچی وکیللری بایدن و اونینگ عایلهسی بارک اوباما جمهور رئیس اورین باسری بولگنیده اوکراین و چینگه سرمایه کیریتیشده موقعینی سوء استعمال قیلگنینی دعوا قیلماقده.
اوچ کون آلدین جو بایدن نینگ اوغلی هانتر بایدن یاپیق ایشیکلر آرتیده گواهلیک بیریش اوچون وکیللر مجلسی نینگ چقیروویگه قرشی چیقدی و او فقط عامه آلدیده گواهلیک بیریشینی ایتدی.
“آتم مینینگ بیزنسیمگه مالی یاردم بیرگنی حقیدهگی دعوانی تصدیقلاوچی هیچ قندهی دلیل یوق”، دیب تأکیدلیدی هانتر.
جمهوریتچیلر هانتر بایدن نینگ کانگرسگه قیلگن حقارتلری یوزهسیدن چاره کوریشلرینی ایتدی.