کابل، ۱۲ جدی، باختر
باش وزیرلیک اداره سی نینگ سیاسی اورین‌باسری مولوی عبدالکبیر افغانستاننی ترتیبگه سالیش حقیقی طرزده باشلنگنینی و آدملر کیله‌جکده اوز فراوانلیگی و باشقه دولتلر بیلن تینگ حقوقلیلیگیگه ایشانچ حاصل قیلیشلری کیره‌کلیگینی ایتدی.
بو اورین‌باسری مطبوعات خدمتی خبرنامه‌ده شونده‌ی یازه‌دی: مولوی عبدالکبیر بو بیاناتلرنی کابل و باشقه ولایتلردن کیلگن بیر قطار عالِملر، نفوذلی شخصلر، مجاهدلر و یاشلر بیلن اوچره‌شوویده ایتدی.
مولوی عبدالکبیر افغانستاننی ترتیبگه سالیش حقیقی طرزده باشلنگنینی و آدملر فراوانلیک و دنیا نینگ باشقه دولتلری بیلن تینگلیک بیلن کیله‌جککه ایشانچ حاصل قیلیشلری کیره‌کلیگینی ایتدی.
اونینگ قوشیمچه قیلیشیچه، مملکتده‌گی ایتنیک گروهلر یگانه فکر و اعتقادگه ایگه و بو مملکتده اسلامی توزوم نینگ قرار تاپیشی و مستحکملنیشی اوچون مهم مسأله.
اونینگ سوزلریگه کوره، افغانلر اقتصادی ساحه‌ده معمالرگه دوچ کیلگن بولسه-ده، لیکن دینی-مانوعی نقطه‌ی نظردن قره‌گنده، افغان جمعیتی یوکسک موقعگه ایگه، بو جهاد نینگ برچه دورلریده ایریشیلگن غلبه و بو خلق نینگ بیردملیگی نمونه‌سیدیر.
اشتراکچیلر نینگ مذکور اوچره‌شوویده حکومت و خلق اورته‌سیده‌گی یقینلیک و همکارلیک تأکیدلندی.
اولر باش وزیر اداره سی نینگ سیاسی اورین‌باسری نینگ مملکتده‌گی ایتنیک گروهلر نینگ هم‌جهتلیگی، معمالرینی حل ایتیش باره‌سیده‌گی سعی-حرکتلرینی ثمره‌لی دیب اته‌دی و حکومت بیلن هر تامانله‌مه همکارلیک قیلیشدن تارتینمسلیکلرینی تأکیدله‌دیلر.
شونینگدیک، اوشبو اوچره‌شوولرده انجنیر محمود و صفر محمد کاکر ایتنیک آقسقاللر و عالِملر نامیدن مملکتیمیزده ایشانچلی خوفسیزلیک تأمینلنه‌یاتگنیدن ممنون اېکنلیکلرینی بیلدیریب، اسلام امیرلیگی تامانیدن بنای لایحه‌لرینی عملگه آشیریش خلقنی خرسند قیلگنینی تأکیدله‌دیلر.
ایتیش جایزکی، اولر اسلام امیرلیگی نینگ افغان تدبیرکارلری و قَیتیب کیلگنلر اوچون یره‌تیب بیره‌یاتگن قوله‌یلیکلرینی یوقاری بهالب، اسلام تیزیمی برقرارلیگی اوچون هر دایم قربانلیک قیلیشگه تیار ایکنلیکلرینی تأکیدله‌دیلر.
