کابل(بی این اے) وزیر معدنیات و پیٹرولیم شیخ الحدیث شہاب الدین دلاور کا کہنا ہے کہ ہرات میں 11 بلاکس سے تیل نکالنے کا کام جلد نجی کمپنیوں کے حوالے کر دیا جائے گا۔
ذرائع کے مطابق وزیر معدنیات و پیٹرولیم نے آئل فیلڈ سے 60 ہزار ٹن خام تیل نکالنے کے ٹینڈر پروگرام میں کہا کہ ہرات میں 11 آئل بلاکس سے تیل نکالنے کا کام جلد شروع کیا جائے گا۔
شیخ شہاب الدین دلاور کا کہنا ہے کہ افغانستان اگلے تین سالوں میں تیل کی پیداوار میں خود کفیل ہوجائے گا۔
وہ مزید کہتے ہیں کہ ملکی وسائل کے لحاظ سے اگلے تین سالوں میں افغانستان تیل اور گیس میں خود کفیل ہونے کے ساتھ ساتھ پیٹرولیم مواد برآمد کرنے والا ملک بھی بن جائے گا۔
