کابل (بی این اے) اسلام آباد میں امارت اسلامیہ افغانستان کے سفارت خانے نے افغان طیور اسٹیٹ کمپنی اور پاکستان کی ہوپ ایجنسی کے درمیان پولٹری اور اس سے متعلقہ مصنوعات کے حوالے سے معاہدے پر دستخط کی خبر دی ہے۔
باختر نیوز کو دی گئی پریس ریلیز کے مطابق اسلام آباد میں افغان سفارتخانے نے بتایا کہ معاہدے پر افغان طیور کمپنی کے سربراہ اسماعیل مخلص اور ہوپ ایجنسی کے جنرل منیجر زیبر الٰہی نے افغان ناظم الامور سردار احمد شکیب کی موجودگی میں دستخط کیے۔
مذکورہ معاہدے کی بنیاد پر پاکستان سے افغانستان کو پولٹری اور اس سے متعلقہ تمام مصنوعات کی برآمد مخصوص بین الاقوامی معیار کے عمل اور جانچ کے بعد کی جائے گی۔
