کابل(بی این اے) وزیر صنعت و تجارت الحاج نورالدین عزیزی سے ایرانی اور افغان سرمایہ کاروں نے ملاقات کی۔
اس ملاقات میں ایرانی فریق نے افغانستان میں موٹر آئل کی پیداوار میں سرمایہ کاری کرنے میں دلچسپی کا اظہار کیا۔
وزارت صنعت و تجارت کے پریس آفس سے باختر نیوز کو دی گئی معلومات کے مطابق اس ملاقات میں "فومان شیمی” کمپنی کے سربراہ حامد قاسمی نژاد، ایرانی اور افغان وفد کے ہمراہ ہرات میں موٹر آئل کی تیاری کے شعبے میں سرمایہ کاری میں دلچسپی ظاہر کی ہے اور اس شعبے میں مذکورہ وزارت سے تعاون کی درخواست کی ہے۔
وزیر صنعت و تجارت نے بھی مذکورہ کمپنی کی سرمایہ کاری کا خیرمقدم کرتے ہوئے کہا: اس وقت افغانستان میں سرمایہ کاری کے لیے مواقع میسر ہیں اور ہم ملکی اور غیر ملکی تاجروں کو سرمایہ کاری کرنے کے لیے سہولیات فراہم کرنے کے لیے تیار ہیں ۔
انہوں نے مزید کہا افغانستان کی صنعت کاری کا منصوبہ حتمی شکل دینے کے دہانے پر ہے جس پر عمل درآمد کے ساتھ ہی "برانڈ” کی حفاظت کو یقینی بنایا جائے گا۔
