نورستان ملي پارک او د وحشي څارويو دساتنې دسيمې په توګه اعلام شو

کابل /دغبرګولې ١٨مه /باختر:
نورستان  دملي پارک او دوحشي څارويو دساتنې دسيمې په توګه اعلام شو .
نورستان دښکلي سمسوراوشنه فضا، دلوړو ځنګلونو او په افغانستان کې دوحشي  څارويو په لرلو سره يوه ډيره ښکله سيمه ده .
دنورستان دوالي مرستيال  محمد هاشم فيضي باختراژانس ته وويل  چې دغه اداره  به دحکومت او دنړيوالو او ملي  مرستندويو بنسټونو په مرسته هلې ځلې وکړي  چې د وحشي څارويو دژوند مديريت وکړي . او دشنو ساحو او دنورستان دزياتې ښکلا په پراختيا سره په نورستان کې  دګرځندوي جاذبې زياتې کړي .
ښکلي او سمسور درې دنورستان ښکلا زياته کړې ده . دغه راز په نورستان کې دپړانګانو ، زمرو ، چيتا او دهوسيو اويوشمېر الوتونکو په ګډون کميابه څاروي اوالوتونکي په نورستان کې زيات دي .
دافغانستان حکومت هلې ځلې کوي چې دنورستان په ملي  اعلامولو سره دهغه دګرځندوى جاذبې  نورې هم زياتې کړي . او دغه راز دوحشي څارويو دژوند په مديريت سره  دنړۍ  ديوشمېر کميابو څارويو د انقراض مخه ونيسي
ختم _ ج _ اکرم