کابل/ ۱۳ سنبله /باختر
کمیتۀ سویدن ومکتب های افغان ترک کماکان به فعالیت های شان برای تقویت معارف در افغانستان ادامه می دهند.
کمیتۀ سویدن درکنارکمک مالی وتخنیکی به معارف افغانستان، چندین مکتب درگوشه وکنارکشوردارد ومشغول آموزش کودکان محروم ازدرس است.
ازسویی هم نهاد افغان ترک، ده ها مکتب درگوشه وکنارافغانستان دارد ودرآن کودکان ونوجوانان افغان مشغول آموزش معیاری اند.
بر اساس گزارش ها، مسوولان این دونهاد فرهنگی وکمک رسان درننگرهار وکابل اخیرا اعلام کردند که همچنان به فعالیت های شان درافغانستان ادامه می دهند.
مسوولان کمیتۀ سویدن وافغان ترک درننگرهار امروز درنشستی با رییس معارف این ولایت گفتند که درپی احیای فعالیت های شان برای تقویت معارف درافغانستان اند.
قاری محمد ظریف رییس معارف ننگرهاردراین نشست ازاین دونهاد کمک رسان خواست که فعالیت های شان را کماکان برای تقویت معارف این ولایت شرقی به پیش برند.ختم/م-ا
