کابل باختر 22جدی
موظفین ریاست عمومی امنیت ملی یک گروپ پنج نفری اختطافچیان ویکتن از قوماندانان گروه طالبان را درولایت بغلان گرفتار نمود.
دفتر مطبوعاتی ریاست عمومی امنیت ملی با ارسال خبرنامه به آژانس باختر نگاشته است .
یک گروپ پنج نفری آدم ربایان که چندی قبل انجنیر شفیق الله رئیس انکشاف دهات ولایت کندز را ازمسیر شاهراه بغلان – کندز اختطاف وبه شهادت رسانیده بودند توسط موظفین ریاست عمومی امنیت ملی گرفتار گردیدند، افراد گرفتار شده بجرم خویش اعتراف نموده اند.
طبق یک خبر دیگر دریک اقدام دیگر موظفین ریاست عمومی امنیت ملی ملاکبیر باشنده قریه ظهرابی کیله گی ولایت بغلان یکتن ازقوماندانان گروه طالبان که درمربوطات ولسوالی های دند غوری وکیله گی ولایت بغلان فعالیت داشت گرفتار نمود .
همچنان موظفین ریاست عمومی امنیت ملی درعملیات های جداگانه شخصی دیگر ی را بنام ابراهیم بایک میل تفنگچه ویکتن از قاچاقبران موادمخدر را با مقدار 52 کیلوگرام چرس ودوعراده موتر نوع کرولا از مربوطات ولسوالی های پل حصار ،سالنگ شمالی ومنطقه حسین خیل شهر پلخمری گرفتار نموده اند .
