کابل باختر/ 2/ حوت
سیزده تاجر افغان درشهر گوانژو جمهوری مردم چین دریک اقدام خیر خواهانه به طور مشترک جمعاً" مبلغ 4220 دالر امریکایی را برای زندانیان افغان در آن کشور مساعدت نمودند.
به گزارش آژانس اطلاعاتی باختر، سفارت جمهوری اسلامی افغانستان در بیجنگ ضمن ابراز سپاس وقدردانی از این اقدام اسلامی و انسان دوستانه تجار افغانی ، در همکاری و هماهنگی با نهاد های ذیربط کشور چین ، مساعدت یاد شده را به زندانیان افغان که در زندان های شهر بیجنگ ، گوانژو وارومچی زندانی هستند ، ارسال نمود.
گفتنی است که در حال حاضر 27 شهروند افغان در جمهوری مردم چین زندانی بوده که ازجمله 2 تن در زندان شهر بیجنگ 2 تن در زندان شهر گوانژوو23 تن دیگر درزندان شهر ارومچی زندانی هستند.
