دلوګر ولايت د امنيې قوماندانۍ په رهبرى کې بدلونونه راغلي دي

کابل – باختر دتلې دمياشتې ٢٩
دلوګر ولايت د امنيې قوماندانۍ سرپرست وټاکل شو .
دکورنيو چارو وزارت مطبوعاتي دفتر نن باختر آژانس ته د يوې خبرپاڼې په ليږلو سره ليکلي دي: د تلې دمياشتې د ٢٣ نيټې د نيکمرغه لوى اختر د لومړۍ ورځې د تروريستي پيښې د هر اړخيزې څيړنې د پرمخ بيولو په مقصدچې له امله يې د لوګر والي شهيد کړى شو؛ د لوګر ولايت په امنيه قوماندانۍ کې بدلونونه رامنځته شوي دي .
مل پاسوال عبدالحکيم السحق زي د لوګر ولايت د امنيې قوماندانۍ د سرپرست په توګه او سمونوال عبدالولي طوفان ددغه ولايت د امنيې قوماندانۍ د امنيت د آمريت د سرپرست په توګه ټاکل شوي دي.