اسعدآباد باختر 10 حوت
مراسم فاتحه قربانیان حمله انتحاری ولایت کنر امروز درشهر اسعدآباد برگزار گردید.
به گزارش خبرنگار آژانس باختر از شهراسعد آباد، مراسم فاتحه شهدای حمله انتحاری 8 حوت سالروان درمسجد جامع ولایت کنر از سوی مقام ولایت برگزار گردید.
دراین مراسم والی کنر، بزرگان و موسفیدان قومی ، علما روحانیون ، اعضای شورای ولایتی ، فعالان جامعه مدنی ، جوانان و دهها باشنده ولایت اشتراک نموده بودند .
درحمله انتحاری که به تاریخ 8 حوت در نزدیکی مقر ولایت کنر رخ داد پانزده تن از افراد ملکی شهید وچهل تن دیگر زخمی شدند.
اشتراک کننده گان مراسم فاتحه ، این عمل ناجوانمردانه طالبان را شدیدأ محکوم نموده واز رب الغرت جنت فردوس برای شهیدا استدعا نمودند.
