کابل باختر11 ثور
مارشال فهیم معاون اول ریاست ج.ا.ا عصر امروز با بزرگان وموسفیدان ولسوالی جبل السراج ولایت پروان ملاقات کرد.
به اساس معلو مات دفتر مطبوعاتی ریاست جمهوری به آژانس باختر، درین ملاقات در حالیکه معین انرژی وزارت انرژی وآب وبرخی از اعضای شورای ولایتی ولایت پروان نیز حاضربودند، یکتن به نماینده گی از سایرین صحبت نموده ومشکلات محیطی آن محل را برشمرد. موصوف خواستار تکمیل کار باقی مانده فابریکه برق جبل السراج، بازسازی ارگ جبل السراج و ارتقای کلنیک محل به شفاخانه که مردم محل از نبود شفاخانه نهایت دچار مشکلات میباشند، گردید. سپس ریئس فابریکه برق جبل السراج پیرامون مشکلات تخنیکی آن فابریکه معلومات داد. موصوف گفت که هفتاد فیصد کار فابریکه توسطه تیم پی آرتی قبلاً انجام یافته و سی فیصد آن باقی مانده است. معاون اول ریاست جهموری در رابطه به فابریکه برق جبل السراج به وزارت انرژی وآب هدایت داد تا آن را تحت برسی قرار داده ودر زمینه تکمیل کار باقی مانده فابریکه متذکره اقدام به عمل آورند. به همینگونه معاون اول ریاست جمهوری به وزارت صحت عامه هدایت هدایت تا با درنظر داشت نیازمندی مطروحه اهالی متذکره در حصه ارتقای کلنیک صحی آن محل به شفاخانه اقدام نماید .
