کابل 4 میزان باختر
چهار تن افرادوابسته به طالبان حین انتقال مهمات خودشان درمربوطات ولسوالی دانگام ولایت کنر دیروز کشته شده اند.
به اساس معلومات دفتر مطبوعاتی قول اردو 201سیلاب به آژانس باختر، طالبان درقریه لویه گوریگاه ولسوالی دانگام ولایت کنر یک فیرمرمی توپچی را جهت اعمال ترورستی وتخریبی انتقال مینمودند که درحین انتقال بالای شان انفجارنموده که از اثرآن چهارتن شان کشته وپنج نفر از اهالی منطقه شهید وچهارتن دیگراز اهالی زخمی گردیده اند .
