کابل / ۲۱سنبله / باختر
داکترعبدالله عبدالله رييس شوراي عالي مصالحه ملي، امروزدركابل با سایمومین یاتیموف ریيس كميته دولتى امنیت ملی تاجکستان دیدار کرد.
به گزارش آژانس باختر ؛ دراین دیدار، رییس کمیته امنیت دولتی تاجکستان گفت که کشورش از رهبری صلح به مالکیت افغانان حمایت می‌کندوتامین امنیت وبرقراری ثبات در این کشور را به سود همه کشورهای منطقه می‌داند.
داکترعبدالله عبدالله تشریف‌آوری یاتیموف را به کابل خیرمقدم گفت وخاطرنشان کرد : افغانستان، امنیت تاجکستان را امنیت خود می‌داند.
رییس شورای عالی مصالحه ملی تاکید کرد که موفقیت روند صلح افغانستان ضامن امنیت و صلح درمنطقه است.
داکترعبدالله عبدالله افزود: روندمذاکرات بین‌افغانان فردا آغازمی‌شود وما تلاش می‌ورزیم این مذاکرات به ختم جنگ چهل ساله وآشتی ملی درافغانستان منجر شود.
احمد ضیا احمدی
