په خيبر ايجنسۍ کې ځانمرګى بريد

پيښور- دى نيوز انترنشنل – باختر د وږي دمياشتې ١٠
د خيبر ايجنسۍ د قبايلي سيمې په جمرود بازارکې نن د ځانمرګې بريد له امله څه ناڅه ٤ تنه ووژل شول او٥٠ تنه نورټپيان شول.
باختر آژانس د پاکستاني رسنيو له خولې خبر راکړ:
دغه چاودنه د جمرود بازار په سيمه کې يوې سيمه ييز ادارې ته څېرمه رامنځته شوه.
د پاکستان د يوه حکومتي مامور د څرګندونو له مخې: دغه چاودنه د خاصو ځواکونو د يوه افسر د سپرلۍ موټر ته څېرمه رامنځته شوه.
يو بل بم هم د سيمه ييزې ادارې د مرستيال له دفتر څخه بهر ځاى پرځاى شوى و چې له لومړۍ چاودنې څخه يو ساعت وروسته شنډکړى شو.
په وژل شويوکسانوکې يو پاکستاني پوځي او درې تنه ملکي وګړي او په ټپيانوکې ١٥ تنه پوليسان شامل دي .
د دغه بريد مسووليت چا په غاړه نه دى اخستى.