کندز باختر دثور ٢٢:
دطالبانو دډلې يو جګپوړي قوماندان له پنځو تنو افرادو سره يې په کندز ولايت کې ووژل شو.
په ملا شير افضل پرون ناوخته دکندز _ خان اباد په لويه لاره کې دپوځيانوله خوا بريد وشو اوووژل شو .
دهېواد په شمال کې دپاميردشلمې فرقې وياند غلام حضرت کريمي د باختراژانس خبريال ته وويل چې په دې نښته کې دطالبانو د ډلې جګپوړي قوماندان ملا شير افضل او پنځه تنه افراد يې ووژل شول او څلور تنه نور ډار اچوونکي ټپيان شول .
ده وويل چې دغه جګړه د ډار اچوونکو له شتون څخه دکندز – خان اباد دلوى لارې دپاکولو دعملياتو په بهير کې ونښته
ويل کيږي په دې نښته کې سرتيرو اودسيمې اوسيدونکو ته زيان نه دى اوښتى .
کريمي وايي پوځيانو دطالبانو څو ماينونه چې دکندز – خان اباد په لويه لاره کې ښخ کړي و کشف او شنډ کړل .
په کندز کې پوځي مقامات وايي چې دکندز – خان اباد لويه لاره د ډار اچوونکو له شتون څخه پاکه شوې ده .
