جلال آباد باخترد سلواغې ٢ نيټه :
د وسله والو طالبانو د ډلې د بمونو د جوړولو د يوه ماهر په ګډون د دغې ډلې څلور تنه غړي د هېواد په ختيځ کې ونيول شول.
دغه ډار اچوونکي تېره شپه د ننګرهار ولايت د مومند درې ولسوالۍ په مربوطاتو کې د ملي امنيت د ځواکونو د ځانګړو عملياتو په بهير کې ونيول شول.
د ننګرهار د والي وياند عطاءالله خوږياڼي باخترآژانس ته وويل ؛ په نيول شويو کسانو کې د وسله والو طالبانو د ډلې يو قوماندان او ماين جوړونکى قاري رحمت الله ، په ننګرهار کې د طالبانو د جلب او جذب مسوول مولوي کليم شاه او په دغه ولايت کې د دغې ډار اچوونکې ډلې د تبليغاتو مسوول ملا زاهدالله شامل دي.
ده وويل ؛ دغه کسان په يوه پټنځي کې د ډار اچوونکو فعاليتونو په پلان
جوړولو بوخت و چې، د ملي امنيت د مامورانو له خوا پرې بريد وشو .
ويل کېږي چې له نيول شويو کسانو څخه يوه اندازه وسله او چاوديدونکي توکي هم ترلاسه شوي دي.
پاى ذکرالله
0 1 دقیقه لوستل