کابل / د غويي ١۳مه / باختر
شپږ وسله وال طالبان تېره شپه په بدخشان کې له افغان ځواکونو سره په جګړو کې ووژل شول.
د ٢١٧ پامير قول اردو وياند عبدالهادي نظري باختر آژانس ته وويل: وسله والو طالبانو د بدخشان په وردوج ولسوالۍ کې د افغان امنيتي او دفاعي ځواکونو پر پوستو بريدونه وکړل چې د پوځيانو له مقاومت سره مخ شول.
نظري زياته کړه: په دغو جګړو کې ۶ وسله وال طالبان ووژل شول او ۵ نور یې ټپيان شول.
پاى \ داوودزى
