کابل باختر دسلواغي اته ويشتمه
د بهرنيو چارو وزارت ويندوى تاييدکړه چې په سيمه کې ځينې استخباراتي کړۍ په افغانستان کې د سولې دخبرو بهير ګډوډوي .
داپه داسې حال کې چې دافغانستان دبهرنيو چارووزيرهم په انقره کې له يوې ترکي رسنۍ سره په مرکه کې ويلي و چې د سيمې د هيوادونو استخبارات په افغانستان کې د سولې دخبرو بهير ګډوډوي.
دبهرنيوچارو وزارت ويندوى احمد شکيب مستغني نن په يوه خبري غونډه کې د باخترآژانس دخبريال دپوښتنې په ځواب کې دغه موضوع تاييدکړه او ويې ويل چې دغه شان خبره شته. پخوا هم د افغانستان مشرانو په دغه هيوادکې د سولې په بهير کې د سيمې د ځينو هيوادونو دصادقانه همکاريو د نشتوالى په نسبت انديښنه څرګنده کړې وه.
ده دغه راز وويل چې تراوسه پورې دپاکستان هيواد هم په دې لاره کې له افغانستان سره صادقانه همکاري نه ده کړې.
