د يوتن د وژل کيدو په تور دوه تنه ونيول شول

کابل  باختر دمرغومي دمياشتې  ٢٢ :
دباميانو ولايت پوليسو نن  دوه تنه  د يو ځوان د وژل کيدو په تور ونيول  .
د باميانو ولايت امنيه قوماندان مل پاسوال خدايار قدسي د باخترآژانس خبريال ته وويل :  يو ځوان د باميانو ولايت  په مرکز پورې اړوند د قيبودي کلي کې  خپل کور ته څېرمه په ډزو سره ووژل شو او پوليسو دوه تنه د دغې قضيې په تور نيولي دي .
خبرځاى  زياته کړه:  د مقتول مړى په روغتون کې دى او تراوسه پورې خپلوانو يې مراجعه نه ده کړې .