کويټه ډي ډان باختردزمري دمياشتې ٢٣ :
دپاکستان په بلوچستان ايالت کې ديو بم دچاودنې له امله دپاکستان يو سرحدي ساتوونکى ووژل شو اويو تن بل ټپي شو.
باخترآژانس دپاکستان دډان ورځپاڼې له خولې خبر راکړ :
دغه بم ريموټ کنترولي و او هغه وخت وچاوديد چې دپوځيانو يوه ليږدونکې واسطه په خپلې ورځنۍ ګزمه کې شريف آباد چوک له سيمې څخه تيريده .
په دې پيښه کې دپوځيانو دسپرلۍ موټر ويجاړ شوى او تراوسه پورې ددغه بريد مسووليت چاپه غاړه نه دى اخيستى .
دغه پيښه يوه ورځ له هغه وروسته وشوه چې په دغه ايالت کې دبم دچاودنې له امله يو تن ووژل شو او نهه تنه نور ټپيان شول .
دپاکستان دبلوچستان ايالت ياغيانو په دې وروستيو وختو کې په امنيتي ځواکونو اوپه ملي تاسيساتو خپلو بريدونو ته زور ورکړى دى .
