کابل باختر دغبرګولي اوومه
دتروريستي بريدونو شپږ تنه سازمان ورکوونکي نن دافغان او ناټو دپوځيانو له خوا ونيول شول .
دغه کسان دهلمند دنهر سراج ، دکندز دعلي اباد ، دقندهار د ارغستان د ننګرهار دشيرزاداو دلوګر د څرخ دولسواليو په مربوطاتو او د قندهارپه ښار کې نيول شوي دي .
ناتو باختر اژانس ته ديوې خبرپاڼې په ليږلو سره وويل چې دغو کسانو په قندهار ، هلمند ، کندز ، ننګرهار او لوګر کې دجګړه مارو طالبانو د ځينو عملياتو رهبري په غاړه لرله او په دغو ولايتونوکې دلسګونو تروريستي بريدونو دترسره کولو تور ورباندې لګول شوي دي .
ددغو عملياتو په بهير کې نښته هم شوې ده ، ځينې وسله وال طالبان وژل شوي او ددښمن يوه اندازه جنګي وسايل او نشه يي او چاوديدونکي توکي هم ترلاسه شوي دي .
