دبرما دمسلمانانو وژنه په بلخ کې وغندل شول .

-مزارشريف باختر دوږي  شپاړلسمه :
دبلخ ولايت  دمدني ټولنې فعالانو ، عالمانو او روحانيونو پرون دميانمار دمسلمانانو د بې رحمانه وژنې په وړاندې  دخپلې کرکې او نفرت مراتب څرګند کړل .
دباختراژانس دخبرله مخې ،  دبلخ ولايت  دمدني ټولنې  په سلګونو تنو  غړو ، عالمانو ، روحانيونو او خلکو په مزارشريف ښار کې  ديوې غونډې په جوړولو سره دبرما  دمسلمانانو په وړاندې  ددغه هېواد ددولت بشري ضداو انساني ضد عملونه وغندل .
  دغونډې برخه والو  دملګروملتو له سازمان او دنړۍ له هېوادونو څخه وغوښتل  چې دبرما په حکومت  زور واچوي  چې ددغه هېواد دمسلمانانو په وړاندې خپل بشري ضد عملونه  بند کړي .
  ديادونې وړ ده چې  دروهنګيا دمسلمانانو پرخلاف  دميانمار داردو دڅو ورځې مخکې  بريدونو له امله ، په سلګونه تنه  مسلمانان شهيدان شول او څه دپاسه يوسلو پنحه ويشت زره تنه   روهنګيايان هم  بنګله ديش ته وتښتيدل .