کابل باختر د مرغومي نهمه :
دروان کال له پيل څخه تراوسه پورې دکابل ولايت په مربوطاتو کې د٥١ پروژو دجوړولو کار بشپړ شوى دى .
دکليو دبيا جوړولو اوپراختيا وزارت داطلاعاتو مسوول حبيب بهزاد باختراژانس ته وويل چې په دغو پروژو کې دڅښاک داوبو برابرول ، دکرنيزو اوبو دزيرمو ،دترانسپورتي او تولنيزو خدماتو جوړول شامل دي چې دکليو دبياجوړولو اوپراختيا وزارت داوبو رسولو دکليو دلارو جوړولو او دساحوي سمون دملي پروګرام له لارې دکابل ولايت په مربوطاتو کې تطبيقې شوې دي .
دده دڅرګندونوله مخې ددغو پروژو لګښت اته سوه زره امريکايي ډالر اټکل شوى دى .
ختم-عطاالله _ اکرم
