کابل- باختر د غبرګولي دمياشتې ١٤
دکاپيسا ولايت دامنيې قوماندانۍ د استخباراتو موظفينو نن دطالبانو د تروريستي ډلې يو غړى ونيوه.
دکورنيو چارو وزارت مطبوعاتي دفتر نن باختر آژانس ته د يوې خبرپاڼې په ليږلو سره ليکلي دي: دکاپيسا ولايت د مرکز د نو آباد د سيمې اوسيدونکى زيارت ګل چې په دغه ولايت کې د زياترو تروريستي فعاليتونو طراح و او د کاپيسا ولايت په مرکزکې دماين په ښخولوکې دنده لرله؛ دکاپيسا ولايت داستخباراتو د موظفينو له خوا ددغه ولايت په مرکز پورې اړوند د ميرحمزه له ساحې څخه ونيول شو.
